.

Ny blogg med nytt tema

2010-05-17T18:44:00.003+01:00

Ja, som de har merka har det jo ikkje akkurat vore stor aktivitet her dei siste månadane. Eg mista liksom lysta til å blogge på nyåret, så då vart det få nye innlegg. Denne sida blir nok stengt om ikkje så lenge, men før eg gjer det vil eg berre informere om vårt nye prosjekt.

No er vi nemlig igang med eit nytt prosjekt som gav meg litt ny inspirasjon til å blogge og dokumentere. Vi bygger HYTTE.

Denne bloggen vart jo eigentleg laga med tanke på scrapbooking og kortlaging, som adressa ber preg av. Vi har derfor oppretta ei ny blogg med ny adresse, og med eit heilt nytt tema.
Hyttebloggen kjem også Leo til å oppdatere.

Dersom du ønskjer å følgje med på hyttebygginga vår finn du bloggen her.

litt oppussing og litt vannkoppar

2010-02-17T19:45:00.012Z

Jaja. Eg hadde ein plan om at dette innlegget eigentleg skulle inneha fleire bilete av alt eg har gjort på rommet til gutane, men dei bileta har eg ikkje somla meg til å ta... men det kjem...ein dag.

Vi var til Bergen for eit par helger sida, så IKEA var jo sjølvsagt ein viktig stopp på denne turen. Eg berre ELSKER IKEA!!! Når eg ser meg kring om i huset har vi faktisk nesten berre møblar frå IKEA. Vi brukte sjølvsagt ALTFOR mykje pengar, men nesten alle pengane var på naudsynte ting til hus og heim. Gutane fekk seg nye senger og madrasser i tillegg til nye reoler. Loftsstua fekk seg nytt reolsystem også, så no er det berre å organisere og sortere alt på riktig plass.

Når det gjeld mine kreative krumspring skal eg komme med biletbevis der også.....ein dag. Eg har nemlig sydd nye puter til begge to og nye gardiner til Vetle. Nye puter til stova har det også blitt. No har eg tekstildilla og ikkje scrappedilla lengre... Neste prosjekt er å lage lappeteppe til gutane. Teppet skal sjølvsagt ha stoooore lappar, for noko tolmod kan eg ikkje skryte på meg akkurat. Når eg tenkjer meg om kan det godt hende det berre blir eitt lappeteppe... har jo aldri gjort slikt før så det kan jo hende at eg går lei...

Eg har faktisk scrappa litt i det siste, men det er mest datascrapping. Det er mykje betre å sitje å knotte på datamaskina i ei peisvarm stove framfor å gå ned i ei kald kjellerstove å dra fram papir. Mathias trengte nokre nye bilete til rommet sitt, så då datascrappa eg nokre til han. Dei blei ikkje så verst eigentleg. Nedanfor ser du eitt av dei.

Vetleguten fekk forresten vannkoppar i dag................trur vi. Det er jo festleg no når det er vinterferie... Han er forløpig i god form og har lite prikkar, så vi kryssar fingrane for at han slepp billeg frå det.

Gutterom

2010-01-27T22:29:00.003Z

Gutane treng verkeleg å få pussa opp rommet sitt snart, spesielt Mathias sitt rom. Begge treng ei ny seng og litt nye fargar. Eg har surfa mykje på nettet (som vanleg) og under finn de ein collage av noko av den inspirasjonen eg har funnet. Eg har henta bilder litt her og litt der, men har sjølvsagt ikkje skrive ned kor eg har henta bileta fra (urutinert altså), så om nokon eig bileta eg har brukt så rop ut så skal de få all kreditt :)

Kanskje eg får til noko av dette? Vetle elsker orange, så vi får no sjå..... og Mathias vil ikkje høyre snakk om oppussing i et heile tatt. INGEN skal røre hans rom! (men ho mor vil) he he...........så dette kan bli ei utfordring.

Godt nyttår!

2010-01-07T18:14:00.004Z

Ja, då er det nye året igang. Kontoen er skrapa og straumrekninga tørr eg ikkje tenke på eingong. I går sette Noreg straumrekord og varmepumpa vår går døgnet rundt. Det er altså skikkelig vinter ute, med minus 10 grader og masse masse puddersnø til å leike i. Det må vere maaaange år sida det har vore så mykje snø som har lagt så lenge her i Svelgen. Det ser ut til å vare ei stund også. Det er eigentleg ganske deilig. Det skulle ikkje forundre meg at dette kjem til å vere den mest snørike vinteren i "manns minne", no når vi skal førebu plate og diverse på hyttatomta. Snøen kjem vel til å ligge til langt uti mars =0) men men.............den forsvinner vel truleg lenge før den tid. Vi får nyte det så lenge det varer..................det kan bli mange år til neste gong. Til helga skal vi gå på ski innover Risevatnet då det er meldt strålande ver.

Eg må nesten syne fram ei av julegåvene mine. Denne er det nok ein baktanke med.....

men stilig var den! importert from "over there" av min bedre halvdel.

Det snør det snør...tiddelibom

2009-12-19T18:17:00.002Z

Endelig er julestemninga her. Det laver ned med snø.................deilig!!!! Vi skal riktignok ut på biltur i morgon, og då er eg ikkje så glad i snøen. Men så lenge eg kan sitte her og sjå ut vindauge så er det heilt supert. Ungane har fått fram skia og gått seg nokre runder i dag. Dei har også måka innkjørsla slik at dei har laga ein svær haug med snø rett framfor bilen. Smart.

I dag har eg laga siluettbilder av gutane. Dei er ikkje mykje like nei. Kan du sjå kven som er kven?

julegåver

2009-12-05T19:44:00.005Z

Ja.............så er det desse julegavene. Har vel kome sånn passe i gang med dei eigentleg. Har kjøpt til søsken og svigerinner/svogere. Gåve til svigerfar og pappa har eg også kontroll på, men mamma og svigermor er det verre med. Ungane har heller ikkje fått noko genialt enda, ei heller min bedre halvdel. Julegaver er vanskeleg. Det skal gjerne vere noko personleg, noko ein verkeleg har tenkt ut og som dei skal ha bruk for eller ser nytteverdien av. Hm.............. ikkje lett det der.

Det eg har kjøpt til no har eg faktisk kjøpt på nettet, og det kan vere veeeeldig praktisk. Då slepp ein stresse rundt i alle butikkar og gjere panikkjøp. Ein kan sitte i fred og ro, surfe og bestille det ein måtte ønskje. Ulempa er sjølvsagt at ein ikkje alltid veit korleis gåva eigentleg kjem til å sjå ut. Det er alltid like spanande når produkta skal hentast på posten (og nokre bomkjøp har vi jo hatt med åra....).

Eg fann ein ny nettbutikk i dag som er ein norsk nettstad som ikkje er reint ulik etsy.com. Den heiter epla og er ein butikk der ein kan kjøpe (og selge) handlaga og eigeprodusert design. Kanskje du finn noko spanande som du kan gje vekk i julegåve? Kanskje du til og med har produkt du har lyst å selge her? Hm.............. det var noko å tenke på!

Adventstid

2009-11-29T21:18:00.003Z

Ja, då er adventstida her, men desember byrjer ikkje før tysdag vel og merke. Desember har ein tendens til å bli særdeles travel og som vanleg har eg sagt til meg sjølv at sånn skal det ikkje vere i år!!!

Eg har vaska både her og der, så den biten er delvis unnagjort. Julebøkene er funnet fram til ungane og mykje av julepynten er faktisk på plass kring om i huset. Gjesterommet er rydda (blir fort lagerplass for alt vi ikkje veit kor vi skal plassere), vaska og ommøblert. No er det faktisk plass til nokon der inne. Dei første julekakene baka eg i ettermiddag (kransekakepinnar) og dei er klar til å frysast ned. I år skal eg bake Sara Bernard kaker, for dei er berre kanooooongode.

I år skal eg verkeleg etterstrebe ei roleg adventstid med berre kos, så får vi sjå om eg får det til :) Lese julebøker, bake julekaker og kanskje til og med ha juleverksted. Vi vakna jo opp til ei kvit bygd i dag også - på 1. søndag i advent! Det kunne ikkje klaffa betre. Eg gleeeedar meg til resten av adventstida :)

50 års jubileum

2009-11-15T20:05:00.004Z

Då er skulejubileet over og det vart ein vellukka fest vil eg seie. Utstillinga blei bra og det var mange innom for å sjå på klasseromma og på utstillinga. Festen i idrettshallen gjekk over all forventning. Hallen var stapp full av folk i alle aldrar. Elevane gjennomførte sine songar med glans og alt gjekk på skinner. Det var variert program og noko for ein kvar smak. Programmet varte noko lengre enn vi hadde planlagt, så det var mange trøtte og sultne ungar når festen var slutt kl 20.20. Det gjekk også rimelig fort føre seg her i heimen når ho mor skulle gjere seg klar til middag på hotellet. Eg kom meg no ned til kl 21, klar til middag og dans.

Kulturnatt og skulejubileum

2009-11-14T10:42:00.004Z

I går var det kulturnatt i bygda. Det var mykje på programmet heile kvelden. Gutane var på Norgespremiere saman med besteforeldra på Jul i Blåfjell. Etterpå var det eventyrstund og deretter open scene på hotellet. Det var mange flotte innslag på hotellet denne kvelden. Alice og nokre andre jenter var ein av dei som hadde "opptreden". Dei dansa ein dans med musikk frå Michael Jackson - kjempebra jobba jenter.

I dag er det også tett program. Det er obligastorisk skuledag i dag, sjølv om det er Laurdag. Svelgen skule feirar sitt 50- års jubileum. Det blir opning kl. 12.30 med skulemusikk og drill.

Kl. 13.00 opnar utstilling på ungdomsskulen og kl 16.00 opnar dørene i idrettshallen. Her blir det underhaldning frå kl 17.00 til kl. 19.30. Etterpå skal alle børnene heim og legge seg medan vi vaksne skal unne oss ein betre middag på hotellet. Gamle kjenningar som Pegasus 1 og Svelgen Swing skal opptre igjen, for første gong på mange år. Eg har trua på at det skal bli ein hektisk men kjekke dag :)

Halvsjuk heile veka

2009-11-07T23:02:00.003Z

Denne veka har gått vannvittig fort, samstundes som eg har vore uhorveleg sleten. I utgangspunktet trudde eg at eg var sleten grunna rangling og diverse i helga, og at eg rett og slett var blitt for gammal til det her. Etterkvart skjønte eg at eg var nok litt småsjuk ja.
Eg begynte veka med lavtrykk i hovudet, som forflytta seg nedover og blei til lavtrykk + tett nase, som så blei til tett nase + sår hals. Fredags ettermiddag hadde eg rimeleg hes stemme, medan fredags kveld var eg så og seie stemmelaus. Leo prøvde å tvinge i meg noko konjakk, noko som visstnok skal hjelpe på stemma. Eg gjorde nokre (halv)tapre forsøk men berre lukta fekk meg til å vike. Nei fysj!!!! Det fekk eg berre ikkje i meg. Det lukter jo berre heilt gruuuusomt! I dag hoster eg litt, men stemma er delvis tilbake og nasa har fri ferdsel. Kanskje raudvinen i går hjalp :) Det er heilt tydeleg at forkjølelsen er på veg i retur. Men det er litt morosamt korleis litt sjukdom får folk til å rygge unna........no i desse "svineinfluensa-tider".

Vi (les Leo) har no fått jobba litt med utestua i dag medan eg fekk ordre om å halde meg innandørs for å betre helsa (ikkje fordi eg var dårleg til å snekre utestua altså!).Det går seint framover, men det skuldast rett og slett altfor mykje å gjere i vekene, og ALTFOR tidlig mørkt ute. Jaja.............det viktigaste er at vi blir ferdig innan sommaren 2010.
Eg har baka 8 brød, 24 "hastverksbollar" og scrappa litt juledill. Så egentleg godt nøgde med dagen :)

Hytte

2009-11-01T14:18:00.003Z

Sånn dagen derpå er det fint lite eg gidder å ta meg til, så då blir det kun surfing surfing surfing. What a night !!! hjelpes. Skal holde meg laaaangt unna tyrkisk pepper ei stund iallefall. Man får jo så skrekkelig dårlig hukommelse av det også!!!

I dag har eg surfa innom det meste. Det blir mykje hus og hytteblogger for tida då vi (nesten) har kjøpt oss hyttetomt og satser på å ha den ferdig i løpet av neste år. Drømmen er å få til eit hus og og ei tomt som ligner litt på sørlandsidyll, med eit kvitmalt lite hus, steinheller i plenen og masse anna som eg har inni hodet mitt men har vanskar for å formidle i dag :)

her er nokre bilete eg har lagra på maskina mi. Eg har henta dei frå forskjellige nettsider, men gløymt å lagre kor dei er henta i frå.

Portveien 2

Alta og Kautokeino

2009-10-27T20:21:00.010Z

Ja, det er vistt kritikkverdige forhold her på bloggen - får beskjed om at eg må oppdatere oftare. Hehe.....ja, eg må visst skjerpe meg.

Dagane fyk avgarde og eg har vore både her og der den siste tida. Sida sist har eg til dømes vore ein tur til både Alta, Kautokeino og Loen. I Alta var det konferanse i regi av utdanningsdirektoratet. Vi la fram for andre korleis vi dei siste åra har jobba med språkstimulering i skule og barnehage her i kommunen. Vi fekk veldig mykje gode tilbakemeldingar på arbeidet vårt, så det var kjekt. For å få litt meir ut at turen reiste vi opp to dagar før konferansen. Alta er vel ikkje den vakraste byen i Noregs land, men nokre butikkar datt vi no innom. Utruleg praktisk å bu på eit hotell i enden av ei handlegate...

Ein av dagane leigde vi oss bil og kjørte til Kautokeino, som ligg ca. 2 timar unna. Det var tørt og fint over Finnmarksvidda og nokre reinsdyr fekk vi også sjå (sjølv om nokon i bilen trudde det berre var nokre skinn som hang der i skogen.........heilt til dei bevegde på seg.........det var utrulig komisk og det blei mykje latter ut av det). I Kautokeino besøkte vi Juhl Sølvsmie og galleri, eit særdeles interessant bygg med mykje innhald. Eg endte opp med to flotte sølvringar av Regina Juhl og eit måleri som Frank Juhl har mala. Ganske so nøgde med begge deler. No kjem det heilt ann på om eg får ramma inn dette måleriet då....

på veg tilbake ville vi ha noko å ete, men servingsstadar var det heller dårleg med. Vi enda opp med ei pølse med brød på Statoil. Jammen santen kom det ikkje inn ein innbyggar inn i fullt samisk antrekk også, så då var jo turen fullkommen :)

Framgang

2009-10-11T21:49:00.003+01:00

Utrulig nok har vi framgang på utestua, og det grunna fint ver! Ja, det er ikkje til å tru, men det har faktisk vore opplett i helga. Det har resultert i shingel på taket. Juhuuu!!!

Vi er ikkje heilt ferdig då. Denne gongen er det kun Leo som har jobba på taket, medan eg har gjort anna førefallande :) I morgon er det også meldt opplett, så då får vi sjå om ikkje siste resten også blir ferdig.

Gløymte ein liten detalj...

2009-10-06T22:11:00.003+01:00

Eg gløymte jo å legge ut det viktigaste bilete!!!!

Når eg skreiv vi, så meinte eg faktisk vi altså. Yes eg har snikra til den stoooore gullmedalje. Har ei merkeleg smerte i ein eller anna muskel i armen - trur det blir kalla gangsperre :) (best å ikkje nemne det høgt, då blir eg vel mobba for det...). Eg har faktisk spikra dei fleste spikrane i det taket der! Godt nøgd med innsatsen.

Og etter at eg hadde snikra tak så gjekk eg inn og lagde ei stor panne med komle (skal sei eg har mange strengar å spele på, hehe...). Har ikkje ete komle på uendeleg mange månedar, så det smakte fortreffeleg etter ein arbeidsdag på taket :)

Utestue

2009-10-06T21:24:00.008+01:00

Ja, då er vi endeleg eit steg nærmare ei utestue. I går var det faktisk opplett store delar av dagen, så vi fekk snikra ferdig taket på utestua. Vi skal ha shingel på toppen, men fekk ikkje tid til det. Vi har lagt presenning på slik at materialen ikkje blir heilt gjennomvåt. vi må jo ha tørt tre når vi skal legge på shingelen og i desse tider er det laaaangt mellom dei tørre dagane. Det er faktisk meldt opplett på torsdag og fredag. Forhåpentligvis kan vi få lagt taket ferdig då. Her er iallfall nokre bilete av prosessen (men har ikkje bilete av tak og presenning. Det kjem ein dag det er opplett igjen...).

No over til noko heilt anna:

Hjorten er eit fantastisk flott dyr. Vi har to hjortar som travar rundt i nabolaget vårt heile natta. Det er ei kolle og ein kalv som kvar kveld går gjennom hagen vår og ned i nabolaget. Her ein kveld spaserte dei ned snarvegen framfor huset vårt allereie i 21.30-tida. Dei går gjerne ikkje opp att i skogen før langt ut på morgonkvisten. Dette bilete har eldstedattera tatt ein dag dei skulle på skulen. Sjølv om eg har hjortar i hagen ofte og ser dei langs vegen stadig vekk, så blir eg aldri lei av å sjå på dette flotte dyret. Eg blir like fasinert kvar gong. Desse hjortane her er iallfall så tamme at dei reagerer ikkje noko særleg på bilar eller menneske. Eg kom kjøyrande ein morgon då dei stod midt i vegbana. Dei gadd knapt å flytte på seg slik at eg kunne kjøyre forbi. Kanskje tettbygde strøk er den tryggaste staden å vere no i jakta...

Gått i dvale...nesten

2009-09-24T21:20:00.003+01:00

Ja............ein kan jo begynne å lure. Har vore ein smuuuuule sløv med bloggen den siste tida kan man si. Eg har eigentleg inga særs god begrunning for det heller. Vekene fyk avgarde med møter og dugnad både her og der. Denne veka har eg ikkje vore heime på kvelden hverken på tysdag, onsdag eller i dag. I morra skal eg vere vakt på Realen til midnatt, så då blir det ikkje sofasitting då heller. Har alltid trua på at neste veke skal bli hakket betre......men når eg tenker meg om har eg avtaler på kveldstid både tysdag, onsdag, torsdag og fredag ("og slik gjekk no dagan").
Eg trøster meg med at det er HAUSTFERIE om ei veke! Eg som aldri har hatt haustferie før. Juhuuu!!!! Det skal jammen bli deilig.

Eg har ingen store planar for haustferien, anna enn at eg har ikke tenkt til å delta på eit EINASTE møte. Eg/vi bør også få gjort noko meir med utestua på terassen. Det går litt seint der ute, men det har mest med å gjere at det regnar jo heile ...... tida jo!!!. Ein kan bli deprimert av mindre. No mååååå det berre komme ein opphaldsperiode! Eg blir snart gaaaal av all nedbøren. Noko seier meg at eg bør få laga nokre kort også, men vi får no sjå kva det blir til.
Ein tur til By'n (les Bergen) hadde jo også gjort seg..... eg kjenner det rykker litt i shoppefoten berre ved tanken :) Vi har jo ikkje besøkt Sønnøve i Stavanger heller...............hm... kanskje det ikkje blir så mykje arbeid med utestua likevel :)

Er jo blitt litt HANDY jo :)

2009-08-05T18:43:00.004+01:00

Joda, ...men berre litt.

Vi har jo fleire prosjekt på gang, som vanleg. Innandørs er det det knøttlille badet på loftet som står i fokus. Vi har hatt alt liggande i aldri så lang tid, men det har gått noko seint med arbeidet gitt. Her om dagen tok vi omsider fatt på flising, og eg har då "flisa" mi første flis. Jepp jepp. Eg flisa midt på golvet, og på det lille rommet var det ikkje mange flisane eg la før eg ga ansvaret over til nokon andre som var litt meir kyndig enn meg. Men 1o fliser kan eg no skryte på meg at eg har lagt.

Og som om det ikkje var nok...

I dag bar eg 945 kg mursteinblokker fra innkjørsla, rundt huset og opp trappa til terrassen på baksida av huset medan Leo var på jobb. I ettermiddag begynte vi så på muren. Så no har eg blanda sement og støypt mur på terrassen. Ja, eg berre seier det. Rett før eg kan gå opptil fleire stk i næringa her, he he... (Kan vel legge til med lita skrift at Leo sjølvsagt var rettleiar og medarbeider her altså).

Eg er med andre ord godt nøgde med eigeninnsatsen denne veka:)

Årets beste konsertoppleving

2009-07-29T21:28:00.005+01:00

I går var eg på konsert med dronninga av pop, og det kan seiast å vere den beste musikkopplevinga eg har hatt (eg veit ikkje om det seier så mykje men....uansett). Vi venta riktignok i over 5 timar før ho dukka opp og ho spelte ikkje i 2 timer eingong, men fy flate kor fornøgd eg er likevel.
Vi kjøpte Golde Circle billettar, som kosta noko meir enn vanlege billettar, men eg er likevel utrulig glad for at vi gjorde det. Vi kom til Valle Hovin ca. kl 16.00 og stod i kø utforbi til kl. 18.30 før dei opna dørene. Vi stod langt framme i køa, noko som resulterte i plass heilt framme ved catwalken. Det skulle ta si tid før dronninga dukka opp, ikkje før kl 21.20 entra ho scena. Det var berre ei heilt utrulig oppleving å få sjå Madonna på nært hald. På slutten kom ho ned langs catwalken og gjekk langs med publikumsrada og lot folk synge inn i mikrofonen. Ho måtte sjølvsagt slutte med det 1 meter før ho kom dit vi stod! men likevel - så nær ei superstjerne er eg godt fornøgd med. Eg er vanligvis lite opptatt av kjendiser, men Madonna er STOR!

Kongekommentar

2009-07-24T20:08:00.004+01:00

Jaja.

Eg er heilt hyttesjuk for tida og har VELDIG lyst på hytte ein eller annan plass. Vi snuser så vidt på ei tomt, noko som har resultert i at eg tenker på hytte og hyttetyper meir eller mindre HEILE døgnet. Det er det siste eg tenker på når eg går og legger meg og det første eg tenker på når eg står opp. Eg har til og med drøymt om hytter fleire netter på rad. Det gjorde eg i natt også. Då Vetle kom luskande ned i natt hadde eg følgande kommentar i søvne: "Ikkje legg deg her (på ytterkanten).... her er det så trangt, legg deg bak hyttene i stedet".

Hehe..... eg registrerte ikkje at eg sjølv hadde sagt det før Leo lo høgt og sa "ka va det du sa no?". Då vakna eg litt meir og måtte le litt eg også. Vetle skjønte tydeligvis ka eg meinte, for han gjekk no og la seg i midten av senga (eller "bak hyttene" som det no heiter).

Snakk om å vere fokusert!

Vetenløpet

2009-07-12T00:19:00.004+01:00

Vi deltok på Vetenløpet i dag. Meg, mamma, pappa og gutane. Vi deltok riktignok i mosjonsklassen då. Vi hadde kledt oss lett, kanskje litt for lett. Eg var jammen glad vi pakka ned ei ullskjorte i kvar sekk, for det trengte vi i dag. Vi skulle helst hatt vottar og hue også ei stund. I byrjinga var det fint men oppe på siste flata var det vind og tett tåke. Det var riktig så ufyseleg og lite motiverande å gå i vind og tåke med for litt for lite klede i ein halv time mot mål, pluss ein halv time tilbake. Vi vaksne klarte oss jo greit, men ungane ville helst berre heim igjen. Vi prøvde å fokusere på den minste lille positive ting og etter ei VELDIG lang stund hørte vi nokon som ropte "heia heia" - eg speida no litt uti tåka og skimta så vidt målområdet. Der fekk vi medalje, noko som var stor stas. Nedatt gjekk litt lettare. Så fekk vi no noko å sjå på når konkuransegruppa kom springande.

Reisebrev frå Italia

2009-07-09T21:11:00.012+01:00

Så er Italiaturen vår over. Vi har tilbakelagt ikkje mindre enn 4999 km på vegen dei tre siste vekene. Det har vore mange opplevingar, litt frustrasjon, mykje pengebruk, mykje sand og herleg sol. Men jammen er vi glad for å vere heime igjen også. Det er rart med det…

Vi reiste onsdag 17. Juni. I bilen sat det to vaksne, to gutar på 5 og 7 år og to jenter på 14 år. Når det gjeld framkomsmiddel er Caravelle absolutt ein fordel på ein slik langtur, då ein kan dele inn i soner for vaksne, smågutar og tenåringar.
Vi ankom Oslo om kvelden og spaserte ein tur på taket til operabygget før sengetid. Torsdag kjørte vi om bord på Color Magic. Ein fantastisk flott båt med dyr mat!

Autobahnen

Fredags morgon var vi klar for å innta autobahnen i Tyskland.
Det første som hendte var at vi oppdaga ei feilmelding på aircondition–anlegget. Toppers!

Den andre interessant hendinga skjedde etter nokre timar då bilen framfor oss plutseleg bremsa hardt, noko som førte til at vi måtte gjere det same. Bilen bak oss derimot klarte ikkje å bremse like fort, så då sa det rett og slett PANG! krasjen var eit faktum. Ei dame i ein sølvgrå Mercedes kjørte inn i oss bakfra i venstre fila der bilane kjem susande i ein vannvittig fart. Dama blei sittande inni bilen og snakke febrilsk i telefon, og då ho endeleg kom ut snakka ho sjølvsagt ikkje eit kløyva ord engelsk. GLIMRANDE! Vi skjønte såpass at ho hadde ringt politiet, så ikkje lenge etter kom Politzei’en susande. Det første dei gjorde var å skjelle ut dama (på tysk) fordi vi hadde stoppa på feil side av motorvegen, i fartsfila. Det hadde no ikkje vi tenkt på, då begge dei to andre bilane, som tross alt var tyskregistrerte gjorde det same. Vi fekk ein liten bulk i døra og såg ikkje bryet verdt med det papirarbeidet bulken ville føre med seg og sa at dama berre kunne kjøre vidare.

Vi var 9 timar på vegen denne dagen, der 7 timar var effektiv kjøring og 2 timer var mat og krasj. Vi fann oss eit hotell i Langenau der vi sov til neste dag. Hoteleigaren var ein eldre koseleg gråhåra mann som diska opp til frukost, serverte ungane kakao og stod og vinka til oss på trappa når vi kjørte vidare neste dag.

Laurdag skulle også bli ein interessant dag på motorvegen. Det meste gjekk greitt til vi møtte kø utanfor München. Då fann GPS’en ei alternativ rute til Salzburg som vi valde å følgje. Det var ein TABBE som kosta oss 3 timar unødvendig kjøring. ”Dama” rekalkulerte så mange gonger at vi tilslutt stod på ein veg som ikkje var avteikna på kartet eingong. Øvst på GPS’en stod det berre ”off road”. Det var ufatteleg frustrerande. I tillegg hadde Mathias blitt sjuk i løpet av turen. Han spydde, hadde feber og vondt i magen.
Vi fann ut at vi berre fekk legge i Salzburg som mål og komme oss dit først, uansett kva andre forslag GPS’en hadde tenkt å komme med. Det var lykkerus når vi endeleg klarte å komme oss forbi Salzburg og endeleg inn i Austerrike. Då slukte vi mil som berre det. Vi hadde berre ein liten avstikkar til, på ca. 2 mil, som den glupe dama på GPS’en kom på for oss. Det skulle liksom vere ein snarveg som førte til at vi skulle kjøre av motorvegen i 17 km – og det blei jammen 17 spenstige kilometer du! Då fekk vi verkeleg sjå austerrike, med 16 % stigning opp ein smal svingete veg, for så 18 % helling ned att. Vi var då så trøtte og leie at vi kunne ikkje anna enn å le. Til slutt kom vi no oss ut på motorvegen igjen. Heldigvis hadde dama på GPS’en "tatt til vet” og fann ikkje på fleire krumspring den kvelden. Etter 12 timar på vegen var det fantastisk å komme fram. Vi hadde nesten ikkje hatt pause og likevel var ungane like blide. Dei var berre heilt fantastiske!

Caorle

Caorle var ein koseleg liten italiensk by 6 mil nord for Venezia. Byen hadde gamle flotte gater, men var også veldig turistifisert. Det krydde av sydenliknande sesongopne butikkar med all slags rusk i. Der var heldigvis også meir faste butikkar med anna utval. Ingenting var på sal og prisane var like høge som i Noreg (men i Norge har vi no faktisk ting på sal på denne tida av året).
Vi budde i bydelen Porto Santa Margaretha, ein rolegare bydel med ei lita hovudgate med butikkar og restauranter. Bydelen hadde også sitt eige lokale tivoli med 3 små karusellar og nokre hoppeslott, til stor begeistring hos gutane.

Badeliv
Stranda i Porto Santa Margaretha er fleire kilometer lang og du ser berre sand sand sand (og parasollar). Den første dagen på stranda slengte vi oss ned ved nokre parasollar og solsenger som stod ”lina opp” på stranda. Etter ei stund kom ein gut og slo ned eine parasollen. Eg peika på parasollen på nabobordet (som vi også opkkuperte) og lurte på om vi skulle slå ned den også, men det avkrefta han med ein gong og gjekk igjen. Det var litt underlig syntes vi. …. Så begynte vi å snakke om at vi gjekk jo gjennom ein tennisklubb – kunne desse sengene tilhøyre dei? Hm…. Jaja…. Det var ingen som jaga oss vekk i alle fall. Heile veka kosa vi oss ved desse solsengene og parasollane. Vi gjorde berre ein tabbe, og det var då vi flytta oss litt lengre bort og tok ei anna solseng ein dag. Plutseleg stod det ei eldre italiensk frue og peike på nummeret på parasollen. Hm…. Det var visst utleige ja. Hehe….og ikkje var det spesielt billig heller! Så då var det berre å gå bort til den delen av stranda der ein sjølve måtte dra med seg utstyret. Noko som resulterte i bl.a ny solseng på ho mor (ikkje så gale at det ikkje er godt for noko...).
Vi har hatt deilige dagar på stranda med god badetemperatur. Vi har gravd oss ned i sanden, vi har laga sandslott, spelt bondesjak, vi har brent tærene våre i brennheit sand, og hatt sandkorn dei fleste plassar (og blitt knall rosa)! Midt på dagen er sola på sitt sterkaste og italienarane tar siestaen sin anten innandørs eller under parasollen sin. Dei mindre erfarne turistane derimot (les: oss) ligg der langflate og krittkvite, og steiker seg i sola….. utan parasoll. Noko som resulterte i rosarosa kroppar nokre dagar på rad. Men brune blei vi.....til slutt…

Mat
Drikkevarene var billig i Italia, men maten kosta nesten det same som i Noreg. Fleire livnærte seg ved stikke innom restauranten for å spele nokre strofer på trekkspelet sitt, for så å gå rundt og samle inn pengar i hatten sin etterpå. Nokre av dei var flinke og ga oss den rette italienske kjensla, der vi sat med pastaen vår. Medan andre hadde kanskje trengt noko meir øving.
Ein av dagane kosa vi oss på ein lokal restaurant i nærleiken. Ein servitør med hendene fulle av tomme fat kolliderte med panna til Mathias som var på veg inn i restauranten. Det enda med tårer og ”Donaldkul”. Servitøren blei heilt ifrå seg og babla ei lang setning på italiensk. Det einaste vi skjønte var ”maaaaaaaamma mia”. Han fekk ein liten leike som ”plaster på såret” og vi fekk ei billegare rekning å betale (igjen: ikkje så gale at det ikkje er godt for nåke).

Biltrøbbel
Vi hadde eit ønskje om å få fiksa airconditonen og kjørte derfor ein dag til Udine, der det skulle vere ikkje mindre enn 13 Volkswagen forhandlarar. Vi leita litt rundt i byen og kjørte tilslutt innom ein Skoda forhandlar for å spørje etter vegen. Han såg det var ungar i bilen og kom ut med ein heil haug med Skoda effektar... Hehe… vi fann tilslutt rett forhandlar som konkluderte med at vi måtte skifte viftereima også, for den ville kanskje ikkje rekke heim att. Hovudlageret i Italia hadde sjølvsagt ikkjeviftereima på lager, så då var vi jo like langt. Vi fekk no oss Skoda-effekter om ikkje anna (igjen: ikkje så gale at det ikkje er godt for nåke).

Venezia

Caorle ligg ikkje langt frå Venezia, så ein dag kjørte vi dit. Vi parkerte i Mestre og tok lokalbussen inn til sjølve Venezia. Ein gondoltur stod høgt på ønskjelista, og etter ei stund fann vi ein som var ledig. Vi tok gondolturen midt i siesta’en, noko som var smart då trafikken på berømte Canal Grande og i dei mindre kanalane var mykje rolegare. Gondolføraren fortalde flittig om historia til byen og bygningane vi såg frå båten. Han var kledd i typiske klede for ein gondolførar, noko som igjen ga oss rette kjensla (heilt til mobilen hans ringte). Turen kosta 80 euro, men var vel verdt det! Vi såg også ”Marcusplassen”, men der var så mykje folk at vi gjekk fort vidare. Etter 6 timar i 27 grader var vi godt nøgde og vende nasa heim att til Caorle.

Heimreisa
Då vi hadde vore 14 dagar i Caorle var det på tide å reise heim. Vi valde ei anna rute heimatt og starta kl 4.45 laurdags morgong sidan airconditonanlegget var ute av drift. Dei første timane av turen ga oss nokre fantastiske naturopplevingar. Vi kjørte midt gjennom Dolomittane, med fantastiske tindar overalt, gjennom Alpane og syd-Tyrol. Vi valde å stoppe i Ulm, etter 8 timar på vegen. Der var det fiskefestival og full fest i gamlebyen. Vi handla og kosa oss resten av dagen og overnatte på same hotellet i Langenau hos den koselege eldre mannen. Vi fekk same rom som sist og også denne gongen stod han på trappa og vinka til oss når vi reiste.

Vi overnatta så ei natt i Kiel før vi tok Color Fantasy tilbake til Oslo. Vi hadde ein lengre stopp i sogn hos svigermor der vi fekk servert både grillmat, jordbær og dajm iskake før vi kjørte siste stykket heim.

Nokre erfaringar vi har gjort oss:

Myggolje og Eurax er eit must. (heldigvis hadde vi med sistnevnte)! Ja, det er knott-liknande insekt i Italia også…og dei stikkene KLØR!

Ikkje stol på at leiligheta inneheld det du treng – vi måtte kjøpe inn litt forskjellig som mangla.

Ta med telys heimaifrå dersom du vil sitte ute med tende lys og nyte raudvinen din – vi fann berre gravlys vi. Fordelen med dei er riktignok at dei varer HEILE ferien.

GPS er både ein fordel og ei ulempe. Den har skapt ein del frustrasjon, men også nokre fantastiske naturopplevingar vi elles ikkje hadde fått sett (ikkje så gale at det ikkje er godt for nåke).

Dei fleste italienarar vi møtte var særdeles dårleg i engelsk noko som resulterte i fleire komiske situasjonar og misforståingar.

Italiensk iskrem er smakar fortreffeleg og vi har spist TONNEVIS av det desse vekene.

Det har vore 3 fantastiske veker der ei veke har gått med til bilkjøring medan dei to andre vekene stort sett har bestått av sand og strandliv. Men det var UTRULIG godt å komme heim igjen også. Etter 4999 km sakna eg faktisk betongterrassen min og duren i frå Elkem. Eg kjem til å sakne temperaturen i luft og vatn, men ikkje prisane.

Italia-ferien er så nær så nær-

2009-06-16T22:18:00.003+01:00

I dag jobba eg min siste dag i Langeneset barnehage, iallefall for ei god stund framover, så får vi sjå kva tida bringer. Det er litt vemodig å forlate det gode miljøet, men vi får tru at eg kjem inn i eit nytt godt miljø. Men no er det uansett FERIE! Jippi :)

Her kan de sjå web kamera frå Caorle, så kan de følge med og sjå kor fint vi har det.
http://www.webcamcaorle.com/
og her: http://www.webcamcaorle.com/webcam_caorle_ponente.htm
(ikkje dei beste web kamera i verda, men greitt nok)

Caorle (Ca'orle) er ein kystby i provinsen Venezia, Veneto, Italia. Byen ligg ved Adriaterhavet og mellom dei to andre kjente turist byane: Ereclea og Bibione.

Jepp jepp- ferie ferie ferie. HÆRLIG!!!

BRA KONSERT!

2009-06-11T17:08:00.003+01:00

YES, var på Bruce Springsteen i går. Trur du det var bra eller?

KJEMPEBRA!!!

Han fekk treningkast 6 for konserten på tysdag og i dag las eg i avisa at han burde fått terningkast 7 for gårsdagens konsert =0)

Ja, det var rett og slett ei oppleving. Det var ikkje mykje til spektakulært sceneshow, men det har han vel heller ikkje lagt opp til. Han treng ikkje slikt. Han har jo nok sjarm og scenetekke til å holde publikum i si hule hand i heile 3 timar til endes. Facinerande. Nei, det var rett og slett ubeskrivelig.

No gledar eg meg til Madonna konserten seinare i sommar, på Valle Hovin. Det blir nok ein HEILT anna type konsert, men eit heilt anna show rundt, så det blir også kjekt å få oppleve.

Eg enda jo opp med ei t-skjorte som eg tenkte eg skulle briiiife rundt i på spinninga i dag, hehe =0)

"Tour de Bremanger"

2009-05-31T07:54:00.017+01:00

I går hadde eg min første rundttur i Bremanger, på sykkel, saman med 24 andre sjeler frå bygda. Ein 9.5 timers kosetur for dei som er 30+, uansett fysisk form. Vi starta i Svelgen, opp Myklebustdalen, til Davik, så til Smørhamn, tok ferga over til Kjelkenes og tilbake til Svelgen igjen. Dette er 3. gang turen blir arrangert, men eg har ikkje vore med før.....så no var det jammen på tide.

Vi starta kl. 09.00 frå sentrum med godt mot. Veret var heilt fantastisk, ikkje ei sky på himmelen og akkurat passe temperatur. Eg fann ut at eg berre måtte sykle med sykkelsko, sjøl om min forige sykkeltur resulterte i fleire fall grunna skoa. No hadde eg riktignok slakka festet noko, så eg fekk iallfall skoen laus om ikkje anna. Eg var også ein smule skeptisk til å begynne rett på motabakkane opp til Myklebustdalen uten noko som helst oppvarming, men det gjekk overraskande bra. Første "etappe" var på 12 km i stort sett motbakke heile vegen. Var faktisk først oppe til første fellespause på 370 m.o.h - bra stigning det på morgonkvisten. Eg trur at treningane på spinningsykkel gjennom vinteren kom til god nytte no.

Vi hadde ikkje barnevakt til gutane, så Leo var følgjebil med 3 gutar i baksete, suppe og anna naudsynt utstyr.På kvart stopp var det gutane og Leo som diska opp med styrkedrikk, vatn, frukt og lappesaker til dei som trengte det.

Vi sykla gjennom Myklebustdalen, og møtte på fleire hindringar i vegen som kunne ført til spennande redningsoperasjonar. Nokon mista vannflaska si rett framfor meg, som resulterte i at eg kjørte på den ( eg tenkte berre at no går det til h......) . Andre mista solbriller, niste og sykkelpumpe...............men heldigvis blei det ikkje blodbad av den grunn.

Isane.

Vi hadde ein lite stopp på Isane før vi sette kursen mot Davik og fellesmåltid i 1 times tid. Ved skulen var det langbord og betasuppe med rundstykker. Irene og Marit hadde hakka grønsaker og kokt suppe dagen før, og den smakte berre heilt fortreffeleg.

Lunsjpause på Davik.

Etter lunsjpausen sykla vi mot Gloføykje som var neste fellesstopp. Eg sykla med gutta i front då eg fann ut at det eigentleg var utrulig kjekt for å teste formen litt. Etter kort tid var det faktisk karane som måtte henge seg etter meg, så det var jo moro! Dette stykket av turen er utrulig flott og naturopplevingane sto i kø. Gloføykje må vere den flottaste rasteplassen i kommunen, med majestetiske Hornelen i bakgrunnen. Hornelen er nord-Europas høgste sjøklippe, samt rasteplass for heksene på veg til Bloksberg. =0)

På Gloføykje.

Neste etappe skulle bli litt heftig eit par gonger. Vi sykla først gjennom Skatestraumtunnelen, som er ein undersjøisk tunnel 80 meter under havet, skal sei det gjekk unna ned den bakken! .......og bakken opp att var tung kan man si... men men.... eg kom meg no opp. Langs med Skatestraumen var det motvind heile tida og då vi kom til bakkane og svingane ved Oldeide var motvinden ganske så sterk. Når eg såg dei svingane eg skulle opp, så tenkte eg berre at det der går ALDRI. Eg hadde ein framfor meg opp bakkane, og det var motivasjon nok til å presse meg vidare. Eg forbante meg på at eg SKULLE sykle opp heile bakken. Det blei jo berre brattare og brattare og eg som trudde eg var på toppen når vi runda siste sving, men var vi det? neeeeida - enda ei lang bratt strekke...I MOTVIND! å fy flate kor tungt det var. På slutten av bakken var det ein smal svart tunnel uten lys, i oppoverbakke den også. Å hjelpes så glad eg var når eg var ute av tunnelen og såg rasteplassen der vi skulle ha pause. Eg var opp som nummer 2, så her blei det ei ganske lang pause for å vente på alle, for fleire gjekk opp. Det blåste ganske bra i perioder på denne rasteplassen, så då var det på med vindjakka. Litt action blei det også, då ein av syklistane blei påkjørd inni tunnelen. Det var ikkje noko alvorleg, anna enn eit raudt merke på armen - men det vart no litt å snakke om i pausen om ikkje anna.

Struen.

Ned bakkane og mot neste pause i Struen sykla eg i motvind heile tida. I Struen spiste vi opp resten av betasuppa før vi sette kursen mot Smørhamn. Ferga frå Smørhamn til Kjelkenes tek 40 minuttar, så det var ei laaang pause med småprating og soling på dekk. Siste etappen frå Kjelkenes og inn att til Svelgen var litt tung for beina. Det var bra fart på dei som låg først, og eg hadde sjølvsagt ikkje tenkt å vere dårligere, så eg hang meg på. Langenesbakken var faktisk ein bakke eg ikkje har tenkt så mykje over når eg har gått tur eller kjørt bil der, men jammen var den seig no på slutten. Bakken starta jo omtrent heilt nede med tunnelen ved Eikeland....og varte jo ein evighet. Ned Langenesbakken var desto kjekkare.

Vi var ved Svelgen hotell kl. 18.30, d.v.s 9,5 time etter starttidspunktet. Litt over 6 timer med effektiv sykling og resten av tida gjekk med til pauser og ferge. Eg var godt nøgde med eigeninnsatsen då eg var først på 4 av etappane denne dagen (så sammenlagtseieren er min! hehe). Sjølv om dette ikkje var noko konkurranse, så blei det jo litt konkurranse likevel blant oss som låg først, ingen tvil om det. Men det var jo berre moro det, kjekt å få litt utfordringer og kjekt å merke at formen er bra!

På hotellet samla vi oss til langbord ute og kosa oss med pizza i solsteiken. To Pære cider gjekk ned på høykant og smakte heilt fantastisk godt.

Smågutane fekk leika litt med andedammen (dei falske endene fekk gjennomgå for å sei det slik) og Leo var glad vi var heime igjen! Fleire kommenterte at gutane hadde vore tolmodige som har vore i bil i så mange timer denne dagen. Vi konkluderte likevel med at Leo truleg var den som hadde vore mest tolmodig i den bilen, heilt klart! 3 gutar på 5, 7 og 8 år, full i bananer og sportsdrikk, samtidig som du må kjører bil i timesvis, sakte sakte, bak ein haug med "syklister".

Jaja, uansett.....................det var ein heilt utrulig flott og minnerik tur i fantastisk ver og med fantastisk natur rundt oss. Turen kan absolutt anbefalast på det sterkaste og eg blir gjerne med til neste år også (dersom eg ikkje må vere barnevakt og følgjebil då...)

Ferdig med eksamen!!!

2009-05-27T20:29:00.002+01:00

Jippi.....ein ting til som kan kryssast av på lista over ting som må gjerast før sommarferien. Hadde eksamen innan IKT i dag - ei lita etterutdanning eg har teke dette året - og eksamen gjekk jo faktisk heilt strålande. Har vel aldri vore så lite førebudd til ein eksamen før, men følte eigentleg at eg likevel hadde full kontroll - og jammen santen trur eg faktisk at eg hadde rett. Då eg hadde gått gjennom presentasjonen min så hadde sensorane ingen kommentarar. Det einaste den eksterne sensoren sa var at ho var imponert - så det tar eg som eit GODT TEIKN!

Men jammen er det deilig å vere ferdig med den også, det har liksom vore der i bakhodet.
Og ikkje blei det streik heller :) jaja...............morradagen skal brukast til å lage litt kort kanskje, har nokre i bestilling, så er det spinning kl 20. Laurdag er det "Tour de Bremanger" , noko eg tenkte eg skulle hive meg med på..... får no sjå korleis det går :)

Ferdig med førelesninga og klar til fest!

2009-05-20T10:22:00.007+01:00

Ja, då var gjesteførelesninga mi i Volda over, og det gjekk kjempebra. Eg var ikkje nervøs eingong, så det tyder vel kanskje på at eg var ganske trygg på det eg skulle snakke om. Vi snakka meir eller mindre i eitt i to timer og eg fekk sagt alt det eg hadde tenkt til å seie - trur ikkje eg gløymte noko nevneverdig. Lit spørsmål blei det også på oss .........og skryt fekk vi !!! Det er kjekt å kunne presentere Bremanger kommune på ein slik måte, syne omverda at vi også gjere noko bra!

I dag skal eg i bursdag i Bergen, i 30 års dag til lisjesysta - GRATULERER MED DAGEN HILDE KATRINE! Det blir jo storslått feiring til langt på natt går eg utifra, så det gledar eg meg sjølvsagt til. I den anledning måtte eg sjølvsagt lage eit kort (det i bruntonar). Legg også ved eit anna, litt meir fargesprakande kort, som eg nett har laga ferdig (dersom du trykker på bilete får du ei litt større utgåve av kortet).

E så happy atte

2009-05-13T20:14:00.002+01:00

Jepp. Er i kanonhumør og veldig veldig veldig fornøgd med dagens møte. Vi har hatt foreldremøte i barnehagen i dag. Det i seg sjølv bruker vanligvis ikkje å vere så mykje å rope hurra for, hverken for foreldre eller tilsette. På slike møter sitter vel dei fleste og berre håper på å få gå heim igjen, men denne gongen får eg inderlig håpe at tankane var litt annleis. Annleis er iallefall stikkordet her. Då vi er inne i sluttfasen av eit stort språkprosjekt, så ønskte vi å syne foreldra korleis vi eigentleg jobbar med språk og språkfremjande aktivitetar i barnehagen. Vi lot derfor foreldra bli med på ei lita reise saman med oss, der dei fekk høve til å delta aktivt på ulike språkfremjande aktivitetar. Slikt kan jo skremme vatnet av einkvar, men dei var sporty og stillte opp. Vi styrte sjølvsagt unna songleikar, holde i hendene og slikt, for det kan verkeleg vere ei barriere for nokon. I tillegg til aktivitet synte vi to filmar som omhandla språk hos oss + at vi hadde ein stand med mykje av det materiale vi brukar i kvardagen.

Dette har vore eit møte som dei tilsette har brukt mykje tid på å planlegge og førebu seg til, eg var derfor mektig imponert over kor flinke alle var og kor bra dette gjekk. Det gjekk eigentleg akkurat slik eg hadde tenkt inni mitt hode, ikkje verst berre det (det er sikkert fordi dei har ein slik fantastisk god leder som inspirerer dei og får dei til å yte maks... he he).

Neste veke er det Volda og foredrag for førskulelærerstudentane som står for tur. Då er det eg og Siren som skal til pers :) Det blir jammen spennande det, men sikkert veldig lærerikt for oss begge (og forhåpentligvis for studentane også., hehe....)

oppdatering

2009-05-10T10:08:00.002+01:00

Ja, noko tilseier meg at eg bør oppdatere bloggen min, siden det no er ei stund sida sist. Det har (som vanleg den siste tida) ikkje vore stor aktivitet på scrapperommet i det siste. Har laga nokre kort på bestilling, men tok eg bilete av dei før eg leverte dei frå meg? nei :)

Har hatt det så sinnsykt travelt i det siste at eg har ikkje hatt tid til anna enn det høgst nødvendige. Har hatt foreldresamtaler eit par veker no, i tillegg til anna møteverksemd på kveldstid som også skal skrivast referat frå. Dei tre siste dagane i veka som gjekk var eg i Loen på Årsmøte i utd.forbundet. Det kan verke som ein avslappande tilværelse å vere 3 dagar på hotel, men det er eigentleg ganske så hektisk. Det blir ikkje mykje tid til avslapning når ein held på frå kl. 09 til kl. 18.00 kvar dag. Så skal ein vere klar igjen til sosial samankomst kl 19.00. Rimelig travelt men utrulig lærerikt og interessant også, særskild når det kjem så gode debattar ut av det som det gjorde. På dag nummer to gjekk j straumen i tillegg. Den var vekke i frå kl. 07 til kl. 11.30 den dagen, så det blei eit litt annleis årsmøte utan power point, lys og mikrofonar. Men men... lærarar og førskulelærarar er vande med å vere fleksible, så det gjekk heilt strålande faktisk. Eg var i bassenget og tok ein morgendukkert då straumen gjekk, så det var jo ei oppleving i seg sjølv. Då eg kom opp att til rommet og skulle dusje var sjølvsagt vatnet is is is kaldt, så eg gjekk altså med klor i håret heile den dagen, he he... Det var litt fyldigare og ein smule meir flokete enn det bruker, men men.

Dei neste vekene blir vel kanskje ikkje mindre travelt. I morra skal eg til Stasjonen barnehage og planlegge eit føredrag som meg og Siren skal halde i Volda 19. mai. Då skal vi halde føredrag for 2. klasse studentane om språkstimulering i barnehagen. Det skal bli spanande :)
Når eg kjem heim att i morra må eg starte ny planlegging. På onsdag skal vi ha eit omfattande foreldremøte som krev mykje meir førebuing enn vanleg. Eg kan ikkje røpe så mykje meir enn det, siden eg har foreldre som les denne bloggen (berre å glede seg...). Har jo sjølvsagt utsett dette plannleggingsarbeidet, så no hopar det seg opp. Så skal eg til Bergen 20.mai, i 3o års dag til søstern. 26 .mai skal eg ha eksamen og kan ikkje seie eg er heilt førebudd til det heller, men men.... det går vel som ein leik (kremt). Når mai er over er det berre å begynne å summe seg, planlegge sommarfest, lage til diplomar, mapper og digitale portefølgjer til ungane som skal slutte, samt få rydda opp i alle papira på kontor og avdeling før eg sluttar. Eg går på ferie 17. juni og skal i anna stilling frå hausten av, så då må eg levere frå meg eit kontor som er "nåkkelunde" ryddig, og dessuten må eg prøve å fatte nokre ord om det arbeidet som er gjort på huset, slik at etterkommaren klarer å få ei oversikt. Vi driv også og avsluttar et stort prosjekt i kommunen som skal evaluerast og skrivast nokre sider om før eg går på ferie. Når eg tenker meg om har eg faktisk ikkje tid til å vere anna enn på kontoret den neste månaden, he he...
Men men... det er heilt utrulig kva som går.... MEN EG GLEDER MEG TIL FERIEN :)

Bursdagsveske

2009-04-18T20:34:00.003+01:00

Mine sønner skulle i bursdag i dag til ei jente i nabolaget. Då nytta eg høve til å lage eit skikkeleg "jentete" kort i form av ei rosa veske. Etterpå fann gutane ut at dei også ville lage kort, så jenta fekk ikkje mindre enn 3 kort fra oss, he he...

nye kort

2009-04-18T20:23:00.006+01:00

Eg lovte å legge ut bilete av korta eg produserte her om dagen, men det tok si tid. no har eg endeleg fått tid til å ta bilete, redigere, beskjære og komprimere, så her er dei:

GOD PÅSKE

2009-04-08T21:35:00.003+01:00

Ja, då var påska her.

Eg har faktisk fått scrappa nokre kort dei siste dagane, så scrappetørka er over for denne gongen. Eg har ikkje tatt bilete av dei enda, så det går nokre dagar til før eg får lagt dei ut.

I morgon reiser vi ein tur til sogn, så eg har derfor scrappa ein eggekartong til mi svigermor.

Det blir ei lita påskehelsing frå oss, fyllt med konfekt.

Eit skikkelig vårteikn.

2009-04-05T20:54:00.003+01:00

Ja, ja, så var den helga over. På fredag jogga eg i Risevatnet (aleine faktisk, enda så hysterisk skogredd som eg er...) og då såg eg noko som eg nesten ikkje trudde var sant. Eg såg ein Sitronsommarfugl komme flygande. Ein lysegul lekker sommarfugl som kanskje nett hadde kome ut i sola. Då fekk eg verkeleg vårkjensla, sjølv om eg nesten trudde den høyrde sommaren til. Sola varma no faktisk litt og det var ein utrulig flott dag. Eg tenkte imidlertid litt på den stakkars sommarfuglen om kvelden då eg kjende kor gufsent og kaldt det var ute då.

I helga har eg hatt besøk av ein anna solstråle. Mi barndomsvenninne har vore på besøk i tre dagar, vi har mimra og kosa oss mykje i lag. Det er ikkje så ofte vi treffast når det er 60 mil mellom oss, men det er like kjekt kvar gong og "skravla går" flittig mellom oss.

No har eg altså hatt fullstendig scrappetørke i evigheter. I morgon skal eg avspasere, så då har eg faktisk ein stor plan om å opne døra til scrapperommet og sjå kva kreative resultat det vil gje. Kanskje det blir eit kort eller ein LO frå meg på bloggen dei neste dagane, det hadde i så fall vore på tide :)

Ferieturen er i boks

2009-03-27T14:59:00.007Z

Hm............når det blir lite scrapping, så blir det lite blogging også ser eg. Eg har ikkje scrappa noko som helst den siste månaden. Eg har fått heilt sperre, men så har eg vore atskillig flinkare på treningsfronten. Har fått heilt dilla på spinning og jogging, så eg har jo trena nesten kvar einaste dag dei siste vekene. Då døgnet ikkje har nok timar til scrapping, jobbing, trening og familieliv, så ryker scrappinga først for å seie det slik. I dag skal eg imidlertid slappe av (trur eg).

Eg har iallefall fått feireturen vår på plass denne månaden. Vi skal jo til nord Italia og ungane er allereie begynt å snakke om at dei skal til ein by med masse vatn i gatene (vi har ikkje fokusert så mykje på at vi faktisk skal kjøre bil i tre dagar før vi kjem dit...kremt kremt). Vi skal bu i ein badeby like i nærleiken av Venezia i 14 dagar. Planen er å kjøre litt rundt i nord-Italia og oppleve det gode liv "in Italy". Vi tenker i utgangspunktet Venezia sjølvsagt, ein tur til Verona og Gardasjøen, og kanskje ein tur til Padova. Resten av tida skal vi bade og kose oss på den lange sanstranda som ligg 300 meter frå huset (eller i bassenget). Så no er det om å gjere å få ferie når vi ønsker det, for alt er jo allereie bestilt og betalt....

Vi har fått oss ny bil også forresten, til feireturen :) Vi fann ut at vi kunne jo ikkje kjøre heilt til Italia med den skramlekassa vi hadde, så no har vi fått oss ny Caravelle. Eg kan ikkje seie anna enn at eg er VELDIG fornøgd med bilen, og den går dessuten som berre rakker'n...
Med dei tusenmeterane i front, sota ruter og heilt svart farge, så meinte ein nabo at det såg ut som ein spionbil som kom kjørande, he he..... så her er det berre å passe seg..

Skikarusell og ny LO.

2009-03-01T18:36:00.002Z

Så var den helga over. I går fekk eg scrappa "ørlite grann". Har jo knapt vore på scrapperommet på nokre veker no, så det var gjerne på tide. I dag har vi vore ein tur i dalen på skikarusell. Her nede i bygda regna og blåste det, så det var ikkje så fristande å bevege seg utforbi døra kan man si. Men opp i dalen var det faktisk ikkje så verst. Det var ikkje sol og blå himmel, men ikkje høljande regn og vind heller. Litt duskregn og vindstille, så det var jo eigentleg heilt greitt. Eg gjekk i den kortaste løypa med Vetle, medan Leo tok seg ein tur i ei lengre løype med Mathias. I premie fekk dei ei teskje på kvar som dei var godt nøgde med.

Teppehandel.

2009-02-27T20:00:00.008Z

Eg oppdaga ein ny nettbutikk i dag då eg jakta på eit nytt plastteppe. Tepper av plast er jo blitt veldig hot har eg funnet ut, då eg har sett dei i opptil fleire interiørblad. Dei er praktiske, slitesterke og etterkvart mykje meir fancy enn dei vi hadde i campingvogna og på hytta i si tid. Eg har lenge lett etter eit teppe til gangen i 1. etg. Då eg kom over dette teppe her, så var det kjøpt og betalt ganske så fort. Det er jo superpraktisk å ha plastteppe i ein gang med våte og skitne sko. Dessutan syntes eg det var kuult rett og slett, og vil friske opp gangen nede ganske så mykje. Det er jo bra størrelse på det også: 180x200 trur eg det var, så det er ikkje ei lita dørmatte heller. Ut med vintage stilen og inn med det fargerike :) Snart er jo våren her! Gledar meg til teppet kjem i posten i neste veke. juhuuu!

Teppet er forøvrig kjøpt hos Nettpynt.no. Dei hadde mykje stilige og særs så fargerike ting.

Eg blei riktignok ein smule overraska då eg fann dette serviset i nettbutikken. Desse har mamma i kjøkkenskapene sine og eg vil tru dei er frå 70-talet. Utruleg snodig å sjå at ein får kjøpt desse i dag også (ikkje det at eg føler trang til å kjøpe dei).

Nye kort

2009-02-16T19:57:00.004Z

Så har eg no fått scrappa litt fleire kort. Desse promarker tusjane er forresten heilt fantastiske, sjøl om eg ikkje heilt har fått "teken" på skyggelegginga. I morra skal eg ein tur til Førde på ettermiddagen. Då skal eg sjølvsagt innom Happyen for å skaffe meg litt forskjelligt "snacks". Eg gledar meg allereie:)

Utviklingsprosjekt

2009-02-12T22:11:00.004Z

Uff og uff. Eg går altså på etterutdanning innanfor IKT, og i samband med dette har eg då eit utviklingsprosjekt gåande på jobb. No skal eg syne dette fram for resten av gruppa, i morra :)
Juhuuu! kan ikkje seie eg er heilt klar til det då.... men men, det får gå som det går. Driv og skriv litt på oppgava som skal inn til eksamen også. Å skrive oppgave er kjedelige greier har eg funne ut:) Det er kjekkare med alle andre ting, som surfing på nettet eller sjå ein tankelaus serie på tv.

Her er eit kort eg hurtigscrappa forige helg. Måtte jo ha med meg kort når eg skulle på babybesøk. Motivet har eg fargelagt med mine nyinnkjøpte promarkers tusjer.

Stoffmuffins

2009-01-31T21:46:00.004Z

Eg har faktisk laga stoffmuffins i helga. Eg reiste på hytta på fredag og kom igjen idag. Eg og mamma kjøpte først stoff i Førde, så det blei nokre dyre muffins for å seie det sånn. Eg lagde ein muffins i går og to idag. Dei er jo eigentleg utruleg enkle å lage då, og kjempesøte syns eg :)

litt kort

2009-01-26T21:42:00.004Z

Eg har scrappa på lerret i helga.

2009-01-25T17:48:00.006Z

Så var enda ei helg snart forbi. Her har det eigentleg vore eit kjempefint ver denne helga. Unger og mann har vore ute og kosa seg ,men ikkje eg :) Eg har vore inne og kosa meg eg :)

På fredag var eg på jentekveld, og då byrja vi å snakke om decoupage. Eg blei eigentleg veldig inspirert av praten, så laurdags morgon heiv eg meg rundt og rigga meg til med både servietter, lerret, lim og maling. Eg begynte bra med å lime på litt, male, krakkelere og i det heile tatt. Medan eg venta på at ulike ting skulle tørke, så begynte eg å scrappe på eit lerret også. Det heile endte med eit scrappa lerret som no har fått sin plass i trappa (dei andre prosjekta blei sjølvsagt liggjande). Eg blei eigentleg ganske fornøgd med det. Resten av helga har gått med til å ferdigstille ein del kort som eg har laga framside til, men ikkje gjort noko meir. Så i dag har eg gjort desse ferdig inni.

Så var helga over.

2009-01-18T21:18:00.002Z

Jaja, så var den helga over. Den gjekk så altfor fort. Fredag hadde Alice bursdag, så då var det jentebesøk i kjellaren med snop og pizza. På laurdag var det familiebesøk med kaker og brus :) Alice og Denise hadde laga kakene sjølve og stod på kjøkkenet omtrent heile laurdagen. Dei baka muffins, brownies og gulrotkake (vi hadde nok mat for å sei det slik). Brownies'ane blei ikkje heilt som forventa då dei las litt feil og putta opp i 8 dl vatn i stadenfor 2 dl. Hi hi. .. Heldigvis var dei no såpass snarrådige at dei fyllte opp med kveitemjøl, så det blei sjokoladekake istadenfor brownies. Den smakte uansett heilt greitt.

I dag har eg faktisk vore superflink syns eg no sjølv då. Eg tok meg faktisk ein joggetur :) Det var riktignok ikkje den lengste joggeturen eg har vore på, men det var likevel ein joggetur. Det har blåst kraftig i ei veke her, så det har ikkje akkurat vore ver til noko som helst. I dag vakna eg og det første som datt ned i mitt hode var.............jogging. Eg ringde og avtalte joggetur med mamma. Det var så mykje vind i Risevatnet at det var heilt umogeleg å vere der, så vi kjørde opp i Myklebustdalen og jogga der. Det blåste riktignok litt der oppe også, i tillegg til at det "fauk" litt snø og slikt over vegen. Vi jogga ikkje så veldig langt, men det var friskt og hjalp verkeleg på samvittigheten.

Litt fleire kort.

2009-01-12T22:36:00.006Z

Eg har no fått produsert litt kort i styggeveiret, så her kjem litt bilete av mitt siste tidsfordriv:

Eit kort på utfordring.

2009-01-09T21:58:00.003Z

Eg har scrappa eit kort til utfordringsbloggen Sukkersøtt også. Eg likte skissa veldig godt og lagde faktisk to kort når eg først var "i siget".

Nokre kort og to gaveposar til.

2009-01-09T21:41:00.007Z

Eg har no fått laga litt kort dei siste dagane, sjølv om eg er ein utruuuuleg treig "scrapper". Her er nokre av dei korta eg har laga.

Gaveesker

2009-01-04T21:03:00.005Z

I dag har eg vore litt ned i kjellarstua og prøvd å finne ut av den elektroniske kuttemaskina mi (creativ cutter) som har stått og støva ned i altfor lang tid. Den vil ikkje kutte skikkelig, men etter ti forsøk med forskjellig trykk, vridning på kniv og eg veit ikkje kva (leste faktisk bruksanvisninga), så skjærer den sånn passe... men eg gjorde ikkje så mykje meir med den saken, då eg var rimleig lei heile greia. I staden kom eg over nokre oppskrifter på korleis ein kunne lage gaveesker. Det hørtes greit ut, så då laga eg desse to. Dei blei no ganske nusselige syns no eg :) I den minste veske-eska kan du til dømes ha ein liten sjokolade dersom du skal gje vekk ein liten oppmuntring til nokon.

På ski

2009-01-04T15:11:00.005Z

I dag har vore ein heilt nydeleg dag, med knallblå himmel og ei snødekt bygd. Vi tok oss derfor ein tur i dalen, på ski. Det er første gang vi har ski på beina sida i påske i fjor trur eg, så det var med litt ustøe bein vi gjekk bortover. Det var ikkje kjørt opp løyper, så vi laga oss eit spor sjølve. Eg hadde lånt Alice sine skisko, men dei var jo så iiiiiskalde at eg holdt på å fryse ihjel på tærne (så dei skal vi aldri tjuvlåne igjen). Då vi kom ned att, laga vi oss kakao og krem ("ekte kakao og ekte krem" som Mathias brukar å seie). Det er meldt regn i resten av veka, så det blir kanskje ei stund til neste gong vi kan gjere noko liknande igjen.

Gullkorn fra barnemunn

2009-01-01T15:48:00.003Z

GODT NYTTÅR!

No i desse juletider (som om altfor kort tid er slutt) passer det bra med ein liten samtale mine to sønner hadde seg imellom her ein dag.

Vetle: Sant Gud ha'kje vinge?
Mathias: Gud e ved sida av oss heile tida.
Vetle: Nei, han e bak meg. Han ha'kje bein, han står på kne. Han Gud e i himmelen.
Mathias: Nei, han er her ved sida av meg, det har bestefar sagt (hm....).

Mathias: Han Gud bruka bleie.
Vetle: Nei, det e Jesus det.

He he, eg syns iallefall den siste kommentaren til Vetle var utrulig bra. Godt observert :)

Her er eit bilete av julebukkane våre. Dei gjekk ikkje lange runda, men var godt nøgde med resultatet likevel.

Juledisco

2008-12-27T22:37:00.004Z

No har vi brukt hellligdagane flittig og spelt inn vår eigen "musikkvideo". Den blei eigentleg laga for fleire dagar sidan, men eg fann ikkje ut med det fyrste korleis eg skulle legge den inn som film på bloggen. I dag gjekk det derimot eit lys opp for meg slik at eg fekk lagt den ut på riktig måte. Den er absolutt verdt en titt :) Trykk på filmen under for å sjå den.

Juledisco

2008-12-27T22:34:00.001Z

Send your own ElfYourself eCards

God Jul

2008-12-24T12:08:00.001Z

God Jul til alle saman.

Lisjejulafta

2008-12-23T20:03:00.004Z

Så var det dagen før dagen og alt er klart (nesten).
I ettermiddag var vi borte på Velteplassen på Sande og traff nissen. Han brukar å sitte inne i ein gapahuk der, dagen før julafta. Det er ein fin tradisjon å reise bort dit og hilse på han, men av og til lurer eg på om vi tar vekk litt av magien når det gjeld denne nissen. Då eg var liten traff ein berre nissen på julafta og på juletrefesten langt ut i januar. No treff ein jo nissen heile tida. Denne månaden har ungane truffet nissen på nissefesten , på hotellet og to gonger berre i dag (han kom på formiddagen i barnehagen, i tillegg til at vi såg nissen på Velteplassen i ettermiddag). Så kjem jo nissen i morgon får vi tru, i tillegg til at han dukker opp på juletrefesten i romjula. Blir det rett og slett for mykje nisse? Blir det så vanleg å treffe på nissen at det ikkje blir noko spesielt og magisk med det lengre?

I kveld har vi pynta juletreet også.
Her går det mest i fargane gull, sølv og kremfarge, i tillegg til pynt i glass. Det er heilt umogeleg å ta eit skikkelig bilete av juletreet slik at ein får det rette inntrykket. På dette bilete ser det jo ut som om det knapt er pynt på treet, medan det eigentleg eg masse masse pynt på det.
Det glitrer så utrulig fint der det står.

Ein scrappa jule-LO

2008-12-21T20:18:00.006Z

I dag har eg faktisk scrappa litt. Eg fekk scrappa ein dobbel LO som eg har hatt liggande ein evighet, og som eg absolutt ikkje har vore fornøgde med. No tok eg fram heilt andre ark, og vips................så klarte eg plutselig å gjere den ferdig. Eg scrappa også ferdig ein LO fra eit bryllup i juni som eg også har hatt liggande lenge. Til slutt scrappa eg ein LO av det julebilete som er sendt ut på kort. Resultat ser du her:

Så var det helg

2008-12-19T20:02:00.004Z

No har det vore nokre slappe dagar igjen. Ingen baking, og berre pittelitt støvtørking. Noko seier meg at eg snart må hive meg rundt og vaske eitkvart (men eg har tenkt å utsette det så lenge som mogeleg).

På onsdag var eg ein tur til Førde. Hadde egentleg ingen ærend, anna enn å gå på sjukebesøk til Aud Marit, noko eg sjølvsagt gjorde). Bortsett fra det, så berre kooooosa eg meg i Førde såpass lenge at eg fekk svidd av meir enn nok pæng.

Torsdag var eg utan nett heile ettermiddagen og kvelden....HJEEEEEEEEEEEEELP.
Det er jo til å få abstinenser av. Dessutan var det eit sånt forferdeleg lyn- og tordenver ute at vi kobla ut alt av telefon,tv og data. Juhuuu. Heldigvis hadde eg ei godt opplada datamaskin som eg kunne kose med meg heile kvelden. Då fekk eg jobba litt med bileta frå aktivitetane vi har gjort på jobb i desember (i barnehagen) - det blei til ein biletserie/film som du kan sjå her.
Eg har faktisk jobba mykje med heimesida til barnehagen dei siste to månadane, blant anna å lage til ei eiga IKT-side der vi syner korleis ein kan jobbe med IKT saman med barn. Vi har hatt ein del intern kursing i personalgruppa også, noko som har resultert i nytenking og mykje kreative tankar kring bruk av IKT i barnehagen. Det blir derfor spanande å sjå kva vi får utrette i tida framover.

Verdens beste pepperkaker.

2008-12-16T21:33:00.006Z

Jammen santen fekk eg ikkje baka pepperkaker i dag, og det er dei flottaste eg nokon gong har laga (og sikkert dei beste eg har smakt også). Deiga var perfekt, pepperkakene var perfekte (ser tjukkere ut på bilete enn dei eigentleg er) og smaken var heilt utsøkt. Kan det bli betre?

Dei var berre heilt perfekte rett og slett. Eg brukte oppskrifta som står i oppskriftsboka frå Hornindal barnehage "Klare sjøl" (ei veldig bra oppskriftsbok forresten). No spørs det om dei får liggje i fred til jul då.... heldigvis er det berre ei veke att, så då er det håp for at dei ikkje blir oppete før den tid.

Det vakre kunstverket på bilete til høgre er ein snømann Vetle laga. Han var veldig fornøgd med seg sjølv.

Julekortskriving

2008-12-15T22:20:00.003Z

I dag har eg faktisk laga pepperkakedeig, så i morra blir det baking.

Eg har også printa ut årets julefoto av ungane og limt det inn i alle julekortene eg skal sende i morgon (fohåpentligvis). Så har eg skrive 19 julekort (FOR HAND). Eg er ikkje fan av ferdigtrykte julekort med ferdigtrykt tekst og heile pakka. Det kan gjerne vere ferdiglaga, men nokre personlege handskrivne ord til kvar einskild høyrer med når ein først skal sende kort. Eg har heller ikkje tenkt å starte med slike maskinskrivne julekort som ein berre pøser ut i store mengder. Det er klart at det er jo lettvint og tidsbesparande, men eigentleg litt upersonleg (sjølv om eg syns det er kjekt å lese om alt det folk har gjort i løpet av eit år). Handskrivne kort blir vel meir og meir sjeldan, men desto større grunn til å gjere nettopp det. Eg set personleg mykje større pris på dei korta eg får som er skrevet for hand, der eg veit at personen som har skrevet det faktisk har tatt seg tid til å skrive nokre ord til akkurat meg i den travle førjulstid. Så eg slår eit slag for handskrivne kort! (men ikkje la vere å sende meg dei maskinskrivne altså, sjølv om eg helst hadde sett at det hadde vore skrevet for hand........ :)

No tenner vi det tredje lys

2008-12-14T18:01:00.004Z

Må jo nytte høve til å syne bilete av den nye adventsstaken min. Eg er litt usikker på om det kan definerast som ein "stake", men det er iallefall 4 lys med tal på som eg eigentleg er godt nøgde med. Eg har lenge ønska meg ein ny adventsstake, så då eg kom over denne på Tonheim landhandel, så var saken klar...denne ville eg ha!

Peparkakehus

2008-12-14T17:51:00.004Z

Det er ikkje så mykje vi har gjort i desember eigentleg. Eg trur faktisk dette har vore den slappaste desember EVER !

Vi har baka julemannar så det holder, vi har altfor lite kokosmakroner og altfor lite kransekakepinnar. Så.........................vi må nok bake litt meir. Pepperkaker har vi ikkje baka eingong, men vi har iallefall baka eit peparkakehus (frå grunnen av altså - ikkje noko ferdigkjøpt hus her nei). Vi har laga designen sjølve også :) Litt skeivt er det, men det er jo berre sjarmerande, ikkje sant?

Ein annan ting vi har fått gjort i helga, er at vi endeleg har fått hengt opp desse skilta som no har stått på kjøkkenet eit halvt års tid. Godt med alt som er gjort................sjølv om det tok si tid...

Min adventskalender

2008-12-13T18:46:00.001Z

Mine adventsprosjekt

2008-12-13T18:22:00.001Z

Eg har scrappa mykje julerelaterte produkt no før jul. Eg har blant anna laga mange mange mange julekort og merkelappar, juleposar, nokre oppskriftsbøker, 2 adventskalendarar, ein altered after eight boks og to altered kremmerhus. Eg solgte ein del på julemessa i Bremanger siste helga i november, og var godt nøgd med den erfaringa også. Nedanfor ser de noko at det eg har produsert den siste tida:

På'an igjen

2008-12-13T17:15:00.000Z

Jaja, eg som sletta bloggen min og alt.

Gjett om eg angra då.... Fekk jo deeen sorgreaksjonen og blei nesten deprimert. Eg trudde dessutan at ingen las den, men då eg tok den vekk har det jammen vore mange som har reagert.

Så no opppretter eg den igjen, men det tek sikkert litt tid før eg har alt på plass :)